Asturies necesita sangre de los grupos 0- a A-

El Centru Comunitariu de Sangre y Texíos d'Asturies fai un llamáu a tolos donantes d'estos grupos

0
1772
Asturies necesita sangre de los tipos 0- a A+. / Pixabay
Asturies necesita sangre de los tipos 0- a A+. / Pixabay

Asturies necesita sangre de los grupos 0- y A-. El Centru Comunitariu de Sangre y Texíos d’Asturies ta acabante de facer un llamáu al traviés de les redes sociales nes qu’alerta de la escasez de reserves. L’organismu encamienta a tolos donantes d’estos grupos a allegase a un centru de donación. La epidemia de gripe ta enllenando les urxencies de los hospitales y la necesidá de sangre medra.

Les persones interesaes pueden contribuyir nel puntu fixu de donación asitiáu na cai Donato Argüelles, 20. Esti centru permanez abiertu los llunes y miércoles n’horariu de 16 a 21 hores y los vienres de 10 a 20 hores. Tamién puede donase nel hospital de la Cruz Roja (C/. Uría nº 37) los llunes, miércoles y vienres de 11 a 14 hores. Amás, podrá contribuyise averándose a la unidá móvil de donación, qu’el xueves y el vienres de la selmana que vien va tar na cai Manuel R. Álvarez, en La Calzada.

El Centru Comunitariu de Sangre y Texíos cunta con otros dos puntos fixos de donación n’Asturies: n’Uviéu, na cai Emilio Rodríguez Vigil, s/n (de llunes a vienres de 8 a 21 hores y sábados de 8 a 14 hores); y n’Avilés, na plaza Santiago López, 1 (martes de 16 a 21 hores). Tola información actualizada de los puntos fixos de donación de sangre y la ubicación de les unidaes móviles puede consultase na páxina web www.donasturias.org.