Asturies va regular los modelos de carnés de acreditación de la unidá de vinculación d’una persona col so perru d’asistencia, amás de los distintivos que tienen de llevar los animales, tanto aquellos que yá se consideren dafechu d’asistencia como los qu’entá tán en periodu de formación.
Amás del carné de vinculación que va portar el dueñu, los perros tendrán de tar identificaos con un distintivu de tela nel arnés y una placa metálica nel collar y el testu «perru d’asistencia” o “perru d’asistencia en formación. Llibre accesu”.
Nel añu 2012 entró a valir n’Asturies la llei reguladora del accesu a la redolada de les persones usuaries de perros d’asistencia. Con esta midida, dase un pasu más nel fomentu de la independencia de les persones que precisen l’ayuda d’un perru para desenvolver les xeres propies del día ente día.
