Asturies súmase a la celebración del Día Européu del Camín de Santiago con más d’una trentena d’actividaes que se van desenvolver en 23 conceyos polos que pasen el Camín Primitivu, el de la Mariña y el del Salvador. La Conseyería de Cultura, Política Llingüística y Turismu impulsa xunto colos conceyos un programa d’actividaes gratuites del 6 al 14 de mayu qu’inclúi conciertos, charres, rutes empuestes, esposiciones, teatru, podcast o cuentacuentos.
La Federación Europea del Camín de Santiago promueve dende 2019 la celebración del Día Européu del Camín pa reconocer la trescendencia internacional de la ruta y la so vinculación cola cultura y el patrimoniu.
La ufierta d’actividaes n’Asturies va estender a L.lena, Corvera, Carreño, Uviéu, Xixón, Avilés, Llanes, Mieres, Salas, Les Regueres, Grau, Salas, A Veiga, Castropol, Colunga, Grandas de Salime, Tapia, Siero, Ribeseya, Villaviciosa, Sariegu, Valdés y Tinéu.
Mientres esa selmana, trés de los itinerarios culturales qu’ufierta Asturies Cultura en Rede van centrar n’otros tantos puntos del camín. Unu d’ellos va percorrer zones destacaes de la ruta xacobea en Llanes, otru averaráse a Tinéu y el terceru va pasar per L.lena, Mieres y Uviéu.
