El conseyeru d’Ordenación de Territoriu, Urbanismu, Vivienda y Derechos Ciudadanos, Ovidio Zapico, anunció la puesta en marcha d’un Pactu Social pol Accesu a una Vivienda Digna, Afayadiza y Algmadiza n’Asturies, col horizonte temporal 2025-2035.
Zapico manifestó’l so prestu pol rellanzamientu d’esti organismu, que permaneció inactivu nos postreros cinco años. “Trátase d’un foru bien interesante pa tratar una de les mayores problemátiques que tenemos non solo n’Asturies, sinón tamién n’España: l’accesu a una vivienda digna y algamadiza”, esplicó.
Nesti sentíu, el titular de Derechos Ciudadanos defendió’l desenvolvimientu del Pactu Social pol Accesu a una Vivienda Digna, Afayadiza y Algamadiza, que tien como oxetivu algamar un alcuerdu pa desenvolver polítiques públiques dirixíes a garantizar al accesu a la vivienda, “cumpliendo asina col artículu 47 de la Constitución”.
Zapico destacó la receptividá de los miembros del Conseyu Autonómicu de la Vivienda cola propuesta y esplicó que na próxima xunta d’esti foru, que se va celebrar a finales de mayu, va diseñase un calendariu pa la ellaboración del pactu. “Va ser un procesu participativu y va desenvolvese nel segundu semestre d’anguaño”, concluyó.
