El Gobiernu d’Asturies sofita la puesta en marcha d’un fondu de capital riesgu público-priváu pa sofitar el crecimientu y afitamientu d’empreses emerxentes y pymes de sectores estratéxicos. El presidente Adrián Barbón realizó esti anunciu mientres la so visita a Sekuens, onde caltuvo un alcuentru con una decena de compañíes creaes en 2023 con ayuda de l’Axencia de Ciencia, Competitividá Empresarial ya Innovación d’Asturies.
La Sociedá de Rexonal de Promoción (SRP), perteneciente al Grupu Sekuens, va ser la encargada d’invertir nesti fondu priváu –que va tener una dotación d’ente 20 y 30 millones-, con una participación de 1,5 millones. El conseyu d’alministración de la sociedá aprobó esta mañana esta nueva llinia d’actuación, que vien complementar los mecanismos yá esplegaos por esta sociedá na comunidá, como’l Fondu Asturies Startup.
Unu de los principales oxetivos del nuevu fondu ye captar empreses emerxentes con alta capacidá de crecimientu pa que se instalen n’Asturies; esto ye, atraer empreses gacela, compañíes de crecimientu bien rápida y sosteníu. La idea inicial ye sofitar proyectos empresariales iniciales d’altu riesgu con un eleváu componente innovador en sectores como la movilidá, la enerxía y la descarbonización o industries artístiques d’altu impactu. Trátase d’un mecanismu pioneru n’Asturies, que respuende a un criteriu d’escelencia na calidá de les iniciatives, axilidá y exemplu de collaboración públicu-privada.
