Aproxímase la Navidá y esti añu Asturies ye la tercer comunidá d’España con mayor previsión de gastu. Los asturianos calculen que van gastar una media de 273€ en regalos, un aumentu d’unos 15 euros en comparanza col gastu del añu pasáu (259€). Esta ye una de les principales conclusiones del estudiu européu sobro ‘Enclinos de consumu en Navidá’, ellaboráu por Kantar pa la plataforma global de comerciu electrónicu eBay ente más de 1.900 individuos.
Según revelen los mesmos encuestaos na rexón, l’enclín a mercar de forma online va siguir n’alza. El 55% aseguren qu’anguaño, en comparanza al anterior, va faer la mesma cantidá de compres navidiegues al traviés del ordenador, en plataformes online como eBay. Ente que el 20% cree que va mercar inclusive más que l’añu pasáu de forma online.
Anguaño, cada ciudadanu d’Asturies preve mercar una media de 9 regalos pa seis persones. Y tal que amuesen los datos del estudiu d’enclinos navidiegos 2021 de eBay, los más pequenos de la casa siguen lliderando’l ranking de les persones a les que se destina un mayor presupuestu, con un total de 151€, siguíu poles pareyes (79€) y otros miembros de la familia como los sobrinos (65€). En cuanto de la que dediquen los asturianos n’escoyer un regalu, el 37% afirma que precisa dellos díes pa decidise. Nel llau opuestu, el 9% de los encuestaos solo precisa una hora pa tomar una decisión.
Un añu más, payares foi’l mes escoyíu polos asturianos pa empezar a realizar les sos compres de Navidá. Trátase del mes por escelencia de los grandes descuentos y promociones que traen consigo campañes como’l Black Friday o’l Cyber Monday y, anguaño, cerca de la metá de los asturianos aprovecháronlo p’adelantrar la busca y compra del regalu ideal. El 46% antemanó les sos compres y un 33% va dexar pa esti mes d’avientu.
La costume de dexar les compres pal últimu momentu (25%) ye una de les torgues que torga atopar los regalos con anticipación siguíu pola falta d’idees sobre qué regalar (23%) o la falta d’ambiente navidiego que convide a mercar (23%). En palabres de Francesca Di Nora, responsable de Marketing pa los mercaos tresfronterizos d’Europa en eBay: “una manera ideal p’aforrar tiempu y amás poder aprovechar ufiertes bien curioses y un inventariu únicu ye la compra por aciu plataformes de comerciu electrónicu como eBay, na que facilitamos la compraventa d’una manera cenciella, segura y dende cualquier dispositivu”.
“Amás, como Marketplace con propósitu, el nuesu oxetivu ye sofitar a los miles de pequeños empresarios que vienden al traviés de la nuesa plataforma. Al nun cuntar con inventariu propiu, nun competimos colos nuesos compradores. A cencielles conectámos-yos con más de 154 millones de compradores en tol mundu, por que les sos pequenes tiendes puedan siguir creciendo”, esplica Di Nora.
Ello ye que conscientes de qu’España inda nun recuperó’l texíu empresarial previu a la crisis del coronavirus, los encuestaos siguen amosando prácticamente’l mesmu compromisu y apueste pol comerciu local. Asina, más de la metá de los asturianos (59%) tán a favor de realizar les sos compres de Navidá nuna pyme.
