Los gobiernos d’Asturies y de Cantabria esploren víes de collaboración pa impulsar la economía social, nel marcu del Plan de Recuperación, Tresformamientu y Resiliencia. Asina lo aseguró’l director xeneral de Comerciu, Emprendimiento y Economía Social, Julio Zapico en axuntándose col director xeneral de Trabayu de Cantabria, Gustavo García.
Per parte del gobiernu d’Asturies, nel alcuentru participaron tamién el director xeneral d’Asuntos Europeos, Javier Vila; la directora de la Oficina d’Asuntos Europeos, Raquel García, y el director de la Fundación pal Fomentu de la Economía Social, Edmundo Pérez. En representación del Executivu cántabru asistieron la directora xeneral d’Asuntos Europeos, Paz Díaz, y Carmen de la Riva, técnica de la Oficina de Fondos Europeos.
Na xunta de trabayu encetáronse les distintes llínees del Proyectu Estratéxicu pa la Recuperación y Tresformamientu Económicu (PERTE) de la Economía Social y de los Cuidos y les posibilidaes por que dambes comunidaes impulsen un centru d’operaciones (hub) de vanguardia n’economía social que dexe la tresferencia ya intercambiu de conocencia y la promoción del emprendimiento.
El PERTE de la Economía Social y de los Cuidos cunta con un presupuestu de 800 millones y escuerre, ente otros oxetivos, el desenvolvimientu de servicios avanzaos nel ámbitu de los cuidos, accesibles y centraos nes persones
