El presidente , Adrián Barbón, defendió güei la vía fiscal asturiana, un modelu que busca beneficiar a les clases medies y trabayadores. “Sobremanera”, esplicó, “pa favorecer la natalidá, unu de los grandes retos que tien Asturies». El xefe del Executivu recordó que mañana se abre’l plazu pa declarar l’IRPF y aprovechó pa valorar les midíes adoptaes pol Gobiernu d’Asturies, que van dexar, añedió, “qu’un matrimoniu con dos fíos pase de deducise 600 a 1900 euros esti exerciciu”.
Barbón argumentó que’l modelu asturianu nun tien comparanza en nenguna otra autonomía y que la so aplicación dexa que “quien s’oponíen, como dellos diputaos y diputaes, sigan pagando los mesmos impuestos en beneficiu de les clases medies y trabayadores”.
El presidente realizó estes declaraciones na so visita a La Pola Siero, onde asistió a la festividá de los Güevos Pintos, una cita que calificó como “un exemplu de cómo los asturianos y asturianes siguimos reivindicando les nueses tradiciones y la nuesa forma de ser”.
