El presidente del Principáu d’Asturies, Adrián Barbón, esixó que’l Ministeriu de Tresportes «depure responsabilidaes y tome decisiones» pa conocer «quién son los responsables» del erru nel diseñu de los nuevos trenes de cercaníes p’Asturies y Cantabria, más anchos que los túneles que teníen de travesar.
Barbón realizó estes declaraciones ayeri en Bimenes, onde asistió al Domingu de Sidros y Comedies, la popular celebración teatral que tien llugar en Santuyano.
El xefe del Executivu repitió que se trata d’una “auténtica chambonada», de la que recordó que se van invertir 1.000 millones nes Cercaníes d’Asturies, polo que reclama a Tresportes esplicación sobre los nuevos plazos de fabricación de los convóis y pide qu’estos s’entaínen.
Amás, avanzó qu’Asturies y Cantabria van dir de la mano énte esta situación y propón una xunta conxunta de dambes comunidaes col ministeriu.
