El presidente del Gobiernu asturianu, Adrián Barbón, aseguró qu’el so Executivu ta dispuestu a adoptar les midíes que sían necesaries para frenar el coronavirus. «De xuru tenemos de les midíes más dures, pero nun refugamos adoptar nenguna nel momentu que sía necesariu». Barbón, que realizó estes declaraciones al términu del homenaxe d’Estáu celebráu esti xueves en memoria de les víctimes de la pandemia, consideró qu’esta respuesta firme énte la COVID-19 «tamién ye’l meyor homenaxe que faemos a les víctimes del coronavirus, porque’l coronavirus matu».
El xefe del Executivu destacó que «esti virus camudónos a toos. Dimos cuenta de lo vulnerables que somos y de lo importante que ye’l sofitanos los unos a los otros». Y añadió: «A mi tamién me camudó; como presidente, d’equí sal un presidente dafechu distintu del qu’entró». Barbón treslladó les condolencias d’Asturies a los familiares de los finaos y el so agradecimientu a los profesionales que trabayaron en primer llínea mientres la pandemia, tres l’homenaxe d’Estáu celebráu en Madrid, nel que tomaron parte los reis d’España, el Gobiernu central, los presidentes de les comunidaes autónomes, representantes de la sociedá civil y familiares de les víctimes.
