La sociedá Bayer Hispania SL presentó a los representantes de los y les trabayadores de la so división farmacéutica un espediente de regulación d’empléu (ERE) qu’afecta a dellos centros granibles de la compañía, ente ellos la planta de la compañía n’Asturies, asitiada en Lada, nel conceyu de Llangréu. Acordies con la información facilitada pola compañía a la Conseyería de Transición Ecolóxica, Industria y Desenvolvimientu Económicu, estes midíes tienen calter coyuntural y derívense d’incidencies nel mercáu español de productos farmacéuticos.
Nesti sentíu, de les 135 persones afectaes a nivel nacional pol ERE –la mayoría na área comercial- 13 corresponderíen a la planta d’Asturies. La multinacional esplicó que les midíes de calter llaboral previstes en Lada tienen como oxetivu afaer les capacidaes granibles pa garantizar la competitividá de la planta y caltener la so condición de centru granible de referencia a nivel mundial.
La multinacional produz n’Asturies cuatro principios activos, ente ellos l’ácidu acetil salicílico, que sirve de base pa la fabricación de la aspirina. Bayer cuenta n’Asturies con más de 140 trabayadores. Dende la compañía treslladóse al Gobiernu d’Asturies qu’esta decisión nun compromete les inversiones anunciaes nel so centru d’Asturies.
