La conseyera de Cultura, Política Llingüística y Turismu, Berta Piñán, vióse obligada a anular tolos actos previstos na so axenda institucional pa los próximos díes tres dar positivu en covid nuna prueba PCR a la que se sometió’l domingu.
Piñán practicóse la prueba n’apreciando nos últimos díes dalgunos de los síntomes de posible andada de coronavirus. Según l’actual protocolu sanitariu, afitáu na última xunta interterritorial de Salú Pública, va deber de permanecer n’aislamientu mientres 7 díes a partir de la prueba realizada güei, y por cuenta de la evolución de los síntomes.
La conseyera atópase en bon estáu, al marxe de les molesties propies de l’andada y les consecuencies obligaes polos precuros que marquen les autoridaes sanitaries.
