El CTA pon en marcha un ‘búho’ ente Cangas y Uviéu pa La Descarga

El CTA y Alsa refuercien los servicios diurnos dende dellos puntos d'Asturies y habiliten ‘búhos’ pa la madrugada del día 17

0
858

El Consorciu de Tresporte d’Asturies (CTA) va poner en marcha na nueche del 16 al 17 de xunetu, coincidiendo con La Descarga, un serviciu d’autobús nocherniegu (‘búho’) ente Cangas y Uviéu. Ye la primer vegada que se pone en marcha esti serviciu. D’esta manera les persones qu’asistan a la fiesta tornar a casa de manera segura.

De la mesma, Alsa va reforciar los servicios diurnos escontra Cangas dende dellos oríxenes (dende Uviéu, a les 14, 16, 17:30 y 20 hores). Amás, van establecese salíes especiales y reforzaes de regresu a la capital asturiana a les 23 hores y na madrugada del día 17, a les 6:15 y 6:40 hores. Otra manera, va haber autobuses nocherniegos pel itinerariu habitual entre Cangas y Tinéu. Les salíes de Cangas van ser a les 23:00, 1:00, 3:00, 5:00 y 6:00 hores. El regresu dende Tinéu na madrugada del miércoles a medianueche y a les 2:00, 4:00, 5:30 y 6:30 hores.

Estos servicios súmense a otros que’l CTA ta impulsando estos meses en distintos puntos d’Asturies. L’oxetivu ye siguir reforzando y ameyorando una rede d’autobuses ‘búho’ que garantice desplazamientos más seguros. Nesti sentíu, amplió’l serviciu nocherniegu ente Uviéu, Xixón y Avilés, qu’antes s’emprestaba namás los vienres y sábadu y que del 7 de xunetu al 30 d’agostu va ufiertase a diario.