Les obres de construcción del carril bici de la cai Muelle d’Oriente, nos Xardinos de la Reina, van empezar el miércoles. El tramu de calzada más próximu a la cera va habilitase pa que les bicicletes puedan circular con continuidá per esi tramu. D’esta miente, los usuarios del vial van disponer de la conexón necesaria para transitar ensin interrupción ente la Plaza del Marqués y El Fomento. El presupustu d’estos trabayos ye de 27.883’40 euros y tienen un plazu d’execución d’un mes. La empresa Alvargonzález Contrates S.A. va encargase de la obra, enmarcada dientro del contratu d’obres de caltenimientu y meyora de la infraestructura viaria.
Per otru llau, ente les 22.00 hores de la nueche y les 6.00 hores de la madrugada del xueves va instalase l’últimu tramu de la pasarela de Nuevo Roces. Escurre sobre l’A8, por tanto, pal so allugamientu acutaráse’l tráficu a un carril en cada sentíu. La execución de la totalidá de la infraestructura, qu’empezó nel mes d’ochobre, va rematar a mediaos del mes de mayu. La pasarela, de madera de pinu, tien 290 metros de llargor y un anchor útil de 2’4 metros. Ta concebida pa usu piatonal y cicloturista, permitiendo a los vecinos transitar ente Nuevo Roces y la ciudá de forma segura.
