La Conseyería de Desarrollu Rural destinó 1.150.000 euros a la execución de la rede de caminos de la segunda fase de la concentración parcelaria de San Tiso d’Abres. El plazu d’execución de los viales ye de 24 meses y va concluyir a finales d’añu. María Jesús Álvarez visitó esti xueves la zona, onde señaló que se van construyir un total de 65 kilómetros d’accesos.
Los nuevos caminos van tener cuatro metros d’anchu pa permitir el tránsitu de los vehículos agrícoles más modernos. El proyectu d’esta segunda fase de la concentración afecta a 1.944 hectárees en 7.231 parceles. Van ser reemplazaes por 875 finques pertenecientes a 508 propietarios.
La titular de Desenvolvimientu Rural esplicó que les concentraciones parcelaries inclúin la meyora de la rede de caminos de la zona, “lo que permite una xestión más eficiente», y ufierten seguridá xurídica a los titulares de los terrenos, que cunten colos sos títulos de propiedá. «Les concentraciones parcelaries constitúin una de les acciones de política agraria más relevantes de la conseyería. Namás una base territorial afayadiza permite una xestión eficiente de los montes y de les ganaderíes», sorrayó Álvarez.
