Efectivos de Bomberos del Serviciu d’Emerxencies del Principáu d’Asturies (SEPA) con base nel parque de Tinéu, xunto al xefe de zona suroccidental, controlaron una fuga de gas declarada na cai José Maldonado del mesmu conceyu.
Los bomberos dieron en obturar parcialmente l’escape hasta la llegada del técnicu responsable del suministru. Preventivamente confinaron a los vecinos de seis bloques de vivienda allugaos na redoma del llugar onde se produció l’escape.
El Centru de Coordinacion d’Emerxencies del 112 Asturies recibió l’avisu a les 17.11 hores. L’alerta realizólo la mesma Policía Local. Na llamada indicaba que por cuenta d’unes obres que taben realizando na citada cai rompiérase la tubería del gas.
La Sala 112 del SEPA movilizó a los bomberos del parque de Tinéu que tres obturar parcialmente l’escape permanecieron nel llugar hasta la llegada del técnicu responsable de la compañía suministradora a les 18.24 hores.
Tres collaborar nes xeres de control del escape y verificar que yá nun había restos de gas la dotación retiró del llugar para tornar a la so base.
