La Conseyería de Cultura, Política Llingüística y Turismu convocó una nueva llinia d’ayudes pa sofitar a los conceyos na creación y meyora de les árees d’estacionamientu de autocaravanes. Estes sovenciones, enmarcaes na Estratexa de Turismu Sostenible d’Asturies 2020-2030, tienen por oxetu ameyorar la movilidá y los servicios que s’ufierten a los caravanistes en tola comunidá. Asina, la convocatoria va sofitar la creación o adecuación d’árees especiales d’acoyida de autocaravanas de categoría básica, con un máximu de 30 places. Van poder acoyese a esta llinia aquellos conceyos que’l so presupuesto total pa gastos nun entepase de 120 millones.
La llínea establez un baremu de financiamientu que favorez a los conceyos menos poblaos. Asina, los conceyos con menos de 5.000 habitantes van poder recibir hasta un 90% de financiamientu del proyectu, los que tengan ente 5.000 y 20.000, un 80%; los de 20.000 a 50.000, un 70% y los de más de 50.000 van poder consiguir hasta la metá del presupuestu total de la obra.
Esta actuación busca la meyora de la calidá de les infraestructures y servicios turísticos ufiertaos en tol territoriu. Nesti sentíu, el nuevu decretu que regula’l turismu de caravanes establez xuna categorización de les árees en función de los servicios qu’ufierten y esixe que les instalaciones tean dotaes de les infraestructures necesaries pa llabores de caltenimientu -como’l vaciáu y llimpieza de depósitos o’l suministru d’agua potable y eletricidá-, lo mesmo que de un serviciu de control que dexe identificar a los usuarios.
