Crisis n’IX pola suspensión de militancia a la conceyala en Llanes

0
88
Crisis n'IX poles presiones a les agrupaciones municipales

Nueva crisis n’IX d’Asturies. La Comisión Colexada de la organización decidió esti llunes por 16 votos a favor y 11 en contra abrir espediente y suspensión cautelar de militancia a la conceyala de la formación en LlanesPriscila Alonso dió’l preste col so votu al cuatripartitu con VxLL, PP y Foru con Enrique Riestra d’alcalde, incumpliendo’l pactu rexonal col PSOE pa facilitar alcaldíes d’izquierdes.

La decisión provocó una fola de dimisiones. La secretaria de Política Municipal, Gabriela Álvarez, llamentó les «decisiones estrañes» de la cúpula de la coalición. «Lo importante nesti partíu son los conceyos, les bases, la nuesa xente», afirmó. A la so salida sumáronse más tarde les de los responsables de la secretaría d’Acción Política, Juan Ponte; de la secretaría d’Electoral, Juan José Fernández y l’adxuntu al coordinador xeneral, Benigno González.

La coalición refugo ayeri entrar a valorar esta nueva crisis n’IX. Nun comunicáu, señalaron que los cambéos formen parte de la «normalidá» al «tar en marcha un nuevu equipu». La selmana pasada, la dirección rexonal de la formación refugó’l pactu de gobiernu nel conceyu de Llanes y calificólu de «inaceptable». Nun comunicáu, esixó a IX de Llanes «que respete los alcuerdos d’obligáu cumplimientu adoptaos na coordinadora autonómica» y desautorizó «esa firma y esi pactu».