El Gobiernu d’Asturies convocó les ayudes destinaes al espardimientu, estudiu y fomentu del valor del patrimoniu cultural asturianu. Esta llinia ta dotada con 80.000 euros. El plazu de presentación de solicitúes ta abiertu hasta’l 1 de febreru.
La convocatoria inclúi cuatro llinies específiques de financiamientu, en función del beneficiariu:
- Entidaes ensin ánimu d’arriquecimientu y particulares, para la puesta en valor del patrimoniu cultural material.
- Empreses, para la puesta en valor del patrimoniu cultural material.
- Entidaes ensin ánimu d’arriquecimientu y particulares, para la puesta en valor del patrimoniu cultural inmaterial y arquivos de tradición oral.
- Empreses, para la puesta en valor del patrimoniu cultural inmaterial y arquivos de tradición oral.
Les subvenciones van sofitar acciones de puesta en valor del patrimoniu cultural, tanto material como inmaterial, pa fomentar la conocencia de los sos valores por aciu proyectos que favorezan la conocencia, la promoción y l’espardimientu ente la ciudadanía.
