L’alcuerdu dexa abierta la posibilidá de que la empresa amplíe la presencia nos actos que s’entamen en 2022
La Conseyería de Cultura, Política Llingüística y Turismu y la empresa Telecable soscribieron un conveniu de patrociniu publicitariu y de collaboración pa impulsar y promover los actos del Xacobeo 2021 que se celebren n’Asturies.
La firma del conveniu de collaboración realizóse nun actu nel que tuvieron presentes la conseyera de Cultura, Política Llingüística y Turismu, Berta Piñán; el director xeneral de Cultura y Patrimoniu, Pablo León; el director de Corporativu Empreses de Telecable y Grupu Euskaltel, Isidro Fernández de la Calle, y el responsable de Negocio Empreses de Telecable, Carlos del Barrio.
L’alcuerdu ente Cultura y Telecable enmarcárcase nel contestu de collaboración ente alministraciones públiques y entidaes privaes que favorez el Xacobéu 2021 na so condición d’Acontecimientu d’Escepcional Interés Públicu.
D’esta miente, el conveniu otorga a Telecable la condición d’empresa patrocinadora del Añu Santu Xacobéu 2021 pa los eventos que s’entamen n’Asturies, col consensu previu cola Conseyería de Cultura. Coles mesmes, l’alcuerdu dexa abierta la posibilidá de que Telecable amplíe la so presencia nos eventos que s’entamen y se celebren en 2022.
