De Lugo a Xixón pa «pasar el día»

La Policía Local denuncia a cinco persones que viaxaron a la ciudá dende la comunidá vecina

0
668
Vista de la sablera de San Llorienzo
Semeya d'archivu de la sablera de San Llorienzo. / Pixabay

Asturies entamó esti llunes a llevantar dalgunes de les restricciones del confinamientu. La comunidá entró esta selmana na fase 1 de la desescalada, lo que permitió l’apertura de comercios y terraces. Dende esi mesmu día, permítese la movilidá dientro de la provincia. Dalgo que sí ficieron cinco persones que viaxaron de la vecina provincia de Lugo a Xixón pa «pasar el día». Estos improvisaos turistes fueron descubiertos pola Policía Local, que terminó por sancionalos.

Nun foi la única incidencia reportada na ciudá nes caberes 24 hores con orixe fuera de la comunidá autónoma. Según informa la Policía Local, otres tres persones resultaron sancionaes por realizar una mudanza dende Madrid ensin autorización. Amás, denuncióse’l viaxe d’otra persona dende esa ciudá pa visitar a la so pareya.

En total, los axentes denunciaron esti martes a 23 persones. D’ellos, 15 yeren homes y 8 muyeres. La mayoría teníen edaes comprendíes ente los 31 y los 50 años. La cifra inclúi a ocho persones que fueron denunciaes por alcontrase nel interior de bares, cuatro por atopase fuera de casa ensin xustificación y otra por viaxar n’autobús ensin embozu.