L’anunciu del pactu de Foro con VOX en Xixón pa facer alcaldesa a Carmen Moriyón tuvo ayeri yá les sos primeres consecuencies en redes sociales, onde la indignación por meter nel gobiernu de Xixón a la formación d’Abascal xeneró una gran cantidá de tuits d’asturianos y tamién de figures relevantes a nivel estatal. Nun tardaron n’agudizase los problemes internos y el primeru llegó cola dimisión del presidente de Foro n’Uviéu, Carlos Suárez, indignáu cola postura del partíu en Xixón.
No tiene sentido. Me siento más engañado que el electorado. Defraudado. Engañado. Triste. Rabia. Incomprensión.
— Carlos Suarez (@CarlosSuarezOVD) June 16, 2023
Esta mañana anunciaba la so dimisión como Vicesecretariu d’Estratexa de la formación José Suárez Arias-Cachero «Felechosa», quien dende va unos años yera la mano derecha de Carmen Moriyón con un especial y relevante papel nel procesu d’espulsión de Francisco Álvarez Cascos y na organización de la campaña autonómica del 28M.
El acuerdo entre @FOROGijon y @vox_es es un pacto infame que viola el programa, los principios y el espíritu de @FOROAsturias.
También insulta a la historia democrática de la ciudad de #Xixón.
Ya que la izquierda exquisita no quiso ayudar a aislar a la extrema derecha, le pido a… pic.twitter.com/mYxFLgSEbt— José Suárez Arias-Cachero Felechosa (@JoseSuarez) June 17, 2023
Güei ta previsto que lleguen más dimisiones dende les persones y agrupaciones de Foro con más pesu del asturianismu, tales como Villaviciosa.