Como parte de la so política de responsabilidá social, el nuevu Domino’s Pizza de Xixón empecipia un alcuerdu de collaboración cola Fundación Mar de Niebla de La Calzada, cola que pretende ameyorar la vida de les persones de los barrios nos que s’establez. «Esta nueva tienda ta xestionada directamente pola marca y la so apertura supunxo la creación de 23 puestos de trabayu na zona», según espliquen dende la compañía.
Con esta inauguración, Domino’s Pizza va collaborar cola Fundación Mar de Niebla que trabaya para xenerar oportunidaes nel barriu y na ciudá al traviés de proyectos educativos, d’inclusión social, d’inserción socio-llaboral y de voluntariáu y participación social.
Esta aportación forma parte del programa Domino´s Collabora, «un compromisu de la marca por ayudar a ameyorar la vida de les persones de los barrios nos qu’opera».
La collaboración con Mar de Niebla empieza cola donación de la recaldación íntegra del día d’apertura pa la creación d’un fondu d’ayuda a families coles que la organización ayuda económicamente a pagar factures pendientes, arriendos atrasáu, etc. Esti sofitu va siguir nel tiempu con otres acciones como voluntariáu del equipu de la tienda cola asociación o donaciones de productu, ente otres.
Fundada en 1960 en Michigan (EEXX), Domino’s Pizza ye la marca líder mundial nel serviciu de pizzes a casa. Anguaño, cuenta con más de 17.000 tiendes en más de 90 países. Nel estáu español, la marca ta operada por Alsea Iberia, grupu de restauración multimarca líder n’España y América Llatina. Domino’s Pizza ta presente en toles comunidaes autónomes, con más de 330 tiendes, ente propies y franquiciadas.
