Dos varones resultaron mancaos, tres sufrir una salida de vía col so vehículu, na A-8, al altor del puntu kilométricu 465, sentíu Cantabria, en Valdés. Según los datos facilitaos pol Serviciu d’Atención Médica Urxente (SAMU) unu de los afectaos, que presentaba un traumatismu facial, foi treslladáu al Hospital de Xarrio, mientres que’l segundu mancáu, que presentaba un traumatismu dorsolumbar, foi sacupáu al Hospital Universitariu Central d’Asturies (HUCA). Nesti casu, por cuenta de más pruebes y hasta nueva valoración médica’l so pronósticu ye reserváu.
El Centru de Coordinación d’Emerxencies recibió l’avisu a les 8:55 hores. La llamada realizóla la Guardia Civil qu’amás de solicitar medios sanitarios, pa los ocupantes d’un vehículu que se saliera de la vía, tamién solicitó la presencia de bomberos pa la escarcelación d’unu de los ocupantes
