La batería d’un grupu ye esa figura que ta en segundu planu nel escenariu, fuera de los focos. Trátase de daquién pa quien prima pertenecer a una banda ensin emprestar atención a les individualidaes de caún, porque sabe que lo que verdaderamente importante ye la conexón col restu del grupu: formar parte de daqué más grande qu’unu mesmu.
Esta ye la hestoria que reflexa la nueva campaña de Mahou, una metáfora sobre la relevancia de los demás nel nuesu día ente día partiendo de la hestoria de Juan Pedrayes, componente del grupu Carolina Durante y orixinariu de la localidá asturiana de Villaviciosa. Asina, la marca cervecera pon en valor los alcuentros ente persones y el sentimientu de pertenencia.
“Dacuando, mientres un bolu, piensu en cómo me sentiría si en llugar d’equí tuviera solo, trés metros per delantre, depués miro a estos y piensu en cómo empezó tou. Pienso en que cuando escoyí la batería escoyí quedame con ellos…”, rellata’l baterista asturianu na pieza. El spot amuesa a la banda de pop-rock madrilana en distintes situaciones: el grupu ensayando, viaxando en caravana, tomando unes Mahou Cinco Estrellas nun chigre… Hasta acabar nun conciertu multitudinariu con tol públicu esfrutando d’un alcuentru únicu alredor del directu.
L’anuncia tamién reflexa otres conexones reales nes que’l rol de cada miembru d’un conxuntu de persones ye esencial: dende una agrupación de bomberos, al equipu de fútbol del Olímpicu Madrid o los remeros del Real Club Náuticu de Valencia, hasta los componentes de la Muixeranga de Castelló, o d’una familia que s’axunta cada domingu alredor d’una paella. Asina, el spot amuesa’l papel de Mahou como impulsor y facilitador de conexones reales, formando parte del nuesu día ente día que potencien les nueses relaciones colos demás.
Amás, la campaña cunta con una banda sonora que cuerre a cargu del propiu grupu, que realizaron una versión n’esclusiva pal spot de Marta, Sebas, Guille y los demás, la mítica tema del grupu Amaral, publicáu en 2005. Toa una oda a l’amistá que la banda afixo a los sos propios amigos pero que caltien la esencia de la orixinal, que pon en valor les relaciones calidables a lo llargo de los años. La cover yá ta disponible en Spotify y el restu de les plataformes.
“Con esta campaña queremos poner de manifiestu lo importante que ye sentinos conectaos colos nuesos, sentir que pertenecemos a daqué más grande que nós mesmos. Dende Mahou llevamos más de 130 años impulsando les esperiencies compartíes, aquellos momentos que refuercen los nuesos venceyos”, destaca Anxélica Hernández, Global Brand Director de Mahou, faciendo énfasis nel rol de Mahou como impulsor de toos aquellos alcuentros calidables que xeneren un sentimientu de pertenencia.
