El Campus cede diez places d’aparcamientu pa coches compartíos

La Universidá d'Uviéu robla un alcuerdu con Hi! Mobility pa promover la movilidá sostenible

0
684

El rector de la Universidá d’Uviéu, Santiago García Granda, y el presidente del Grupu Baldajos, Alejandro Díaz González, roblaron esti miércoles un alcuerdu de collaboración para promover la movilidá más sostenible. La institución académica va ceder espacios d’aparcamientu gratuitos nos campus de Xixón y Uviéu pal estacionamientu de vehículos eléctricos compartíos. Van ser en total quince places, diez d’elles allugaes nel Campus de Xixón y otres cinco nel Campus d’El Cristu. L’alcuerdu, que tien una duración inicial d’un añu, recueye la posibilidá d’habilitar otres cinco places nel Campus de Mieres nel casu de que Hi! Mobility amplíe la so rede.

Mientres la firma, destacaron les árees d’interés que comparten y que tán rellacionaes cola movilidá eléctrica, la eficiencia enerxética y l’usu y fomentu de les enerxíes llimpies. Nesti sentíu, l’alcuerdu suscritu inclúi la collaboración ente la Universidá d’Uviéu y Hi! Mobility en proyectos y actividaes de promoción del usu d’enerxíes llimpies amestada a la movilidá eléctrica.