Los establecimientos comerciales d’Asturies van poder abrir diez díes festivos y domingos mientres el próximu añu. El resolvimientu col calendariu d’apertures publicóse güei nel Boletín Oficial del Principáu d’Asturies (Bopa).
Mientres l’añu 2024, los domingos y festivos nos que’l comerciu asturianu va poder permanecer abiertu al públicu van ser los siguientes:
7 de xineru
28 de marzu
30 de xunu
15 d’agostu
9 de setiembre
12 d’ochobre
1, 9, 22 y 29 d’avientu
Esti calendariu ye frutu del consensu alcanzáu nel Conseyu Asesor de Comerciu, l’órganu d’asesoramientu y sofitu de l’alministración autonómica para los asuntos relativos al comerciu interior de la comunidá. Nesti organismu, amás del Gobiernu d’Asturies, tán presentes tolos ámbitos y subsectores comerciales (pequenu comerciu, supermercaos y grandes empreses de distribución), la patronal Fade y los sindicatos UXT y CCOO.
Per otru llau, a lo llargo del próximu mes d’avientu los comercios asturianos van abrir los díes 8, 24 y 31.
