El Conceyu de Xixón ufierta 125 cursos de formación online

0
661

Aprovechar el confinamientu pa formase. El Conceyu de Xixón, al traviés de l’Axencia Local de Promoción Económica y Empléu, ta acabante de poner en marcha’l programa de formación a distancia ‘Ameyora les tos competencies’. La ufierta inclúi un total de 125 cursos gratuitos online. L’oxetivu ye arriquecer les competencies profesionales de los ciudadanos pa que, una vegada remate l’estáu d’alarma por COVID19, puedan incorporase al mercáu llaboral con más conocencies y coles sos habilidaes profesionales anovaes. Por ello, ufiértense acciones formatives en ofimática, diseñu y programación, idiomes, calidá y prevención de riesgos llaborales, marketing y vientes, recursos humanos, xestión técnica, innovación I+D, formación, mediu ambiente y enerxíes anovables.

Los cursos tan empobinaos tantu a persones desemplegaes como a trabayadores n’activu que tean empadronaes en Xixón y que tengan ente 16 y 65 años. Na matrícula va dase prioridá a quien tean en situación de desempléu. El personal al serviciu de les Alministraciones Públiques nun va poder participar, sacante les persones beneficiaries de dalgún programa d’empléu n’activu promovido pol Conceyu.

Los cursos, que van empezar los llunes, van impartise al traviés de la plataforma Dicampus a partir del 27 d’abril. Les persones comenenciudes tendrán de presentar la solicitú d’inscripción na aula virtual ‘Meyora Les tos Competencies’. Puede realizase más d’un cursu pero non de forma simultánea, esto ye, una vegada rematáu un cursu como aptu puede empezar el siguiente. Al rematar cada formación, l’alumnáu va recibir un diploma acreditativu de la mesma.