El conseyu d’alministración del Consorciu de Tresportes d’Asturies (CTA) aprobó dos alcuerdos que garanticen la continuidá en 2024 de la tarifa plana CONECTA, que dexa viaxar por tola comunidá por un máximu de 30 euros al mes.
Per un sitiu, autorizóse’l gastu necesariu p’afitar l’equilibriu económicu de les distintes rutes de tresporte. Esta midida ye imprescindible pa compensar l’aforru que supón pa los usuarios l’abonu d’un máximu de 30 euros al mes, independientemente del númberu de desplazamientos que realicen nesi períodu en tol tresporte públicu de la comunidá.
Per otra parte, diose lluz verde a l’ampliación del programa de fomentu del tresporte públicu pa viaxeros recurrentes, una iniciativa qu’arreya tantu a l’Alministración autonómica como a los conceyos y a los y les operadores de tresporte públicu. Esta midida pretende reforzar les distintes llinies según la demanda ya impulsar una campaña promocional sobre les ventayes d’utilizar los medios colectivos pa los desplazamientos.
El Conseyu de Gobiernu aprobó apocayá un gastu de 14.038.495 euros pal Consorciu de Tresportes d’Asturies (CTA), dientro del so compromisu cola promoción de la movilidá sostenible. La inversión nel CTA tien por finalidá aumentar la disponibilidad de servicios, con especial a atención al mediu rural, y afaer les frecuencies a la demanda actual. El Gobiernu d’Asturies pretende garantizar que la movilidá concíbase como un derechu fundamental y un mediu p’algamar la cohesión y la equidad en términos territoriales y sociales.
