El conseyeru de Mediu Rural y Política Agraria, Marcelino Marcos Líndez, anunció güei na Xunta Xeneral que’l Gobiernu d’Asturies va habilitar nos presupuestos de 2024 una partida d’ayudes pa desaniciar los efectos que la enfermedá hemorráxica epizoótica (EHE) ta causando na cabana ganadera y compensar les perdes causaes pola enfermedá.
Marcos Líndez, que condicionó la cifra global de les sovenciones al algame que la EHE llegue a tener nel sector, aseguró tamién que’l Principáu va compensar una parte del costu de la retirada de los reses finaos al traviés de Proygrasa, la empresa dependiente de Cogersa que s’encarga de la recoyida, tratamientu y eliminación d’animales muertos. Esta midida va beneficiar a toles esplotaciones, yá que se va aplicar pa tol ganáu muertu, ensin importar la causa.
El conseyeru repitió’l compromisu del Executivu autonómicu col sector, non solo por estes nueves ayudes, sinón poles habilitaes pa desaniciar los efectos de la seca. Asturies ye la única comunidá que les punxo en marcha pa completar les subvenciones estatales. El Principáu destina 5,7 millones, la mesma cantidá que destinada pol Ministeriu d’Agricultura pa esti fin, de forma que los ganaderos asturianos van recibir el doble de compensaciones que los d’otres comunidaes.
