La vicepresidenta del Principáu y conseyera de Presidencia, Retu Demográficu, Igualdá y Turismu, Gimena Llamedo, participó ayeri na presentación de les actividaes que se realicen al rodiu de les Xornaes del Menú del Desarme 2023, onde aprovechó para manifestar el sofitu del Gobiernu d’Asturies a la candidatura d’Uviéu a Capital española de la gastronomía 2024.
“Esa capitalidad gastronómica, pola qu’Uviéu lleva años trabayando, abre una magnífica oportunidá pa tol sector turísticu, p’Asturies. Y como nun podría ser d’otra manera, cuenta con tol respaldu del Gobiernu d’Asturies. Alfredo, dicen qu’a la tercera va la vencida. Confío en poder celebrar bien llueu xuntos qu’Uviéu va ser la Capital española de la Gastronomía en 2024”, señaló Llamedo.
La conseyera de Turismu destacó que “fiestes populares y enraigonaes como El Desarme, en plenu mes d’ochobre, contribúin a la desestacionalización del turismu. Y van facer entá más cola próxima llegada de l’alta velocidá. Porque’l desembarco de l’AVE tamién ye una oportunidá p’avanzar nesa necesaria desestacionalización”, señaló la vicepresidenta, qu’añedió que se trata d’una aspiración compartida ente’l Principáu y el mesmu sector.
