El gobiernu d’Asturies va mercar de forma directa’l nuevu edificiu del Centru de Crisis pa Víctimes d’Agresiones Sexuales, serviciu que se va caltener n’Uviéu. La Dirección Xeneral d’Igualdá yá tramita la correspondiente solicitú tres quedar desiertu’l concursu pa la compra del inmueble, que cunta con financiamientu de los fondos europeos Next Generation. Trés propietarios presentaron ufiertes, pero nenguna d’elles cumplía toles característiques esixíes nos pliegos.
La normativa establez la posibilidá de la compra directa cuando primeramente declaróse un concursu ermu. Asina lo recueye l’artículu 101 del Reglamentu de la Llei de Patrimoniu.
La compra del inmueble va dexar ampliar y ameyorar los servicios del centru, pioneru a nivel nacional, que dende la so apertura en payares de 2020 atendió yá a más de 900 persones. La nueva see tamién va dexar afaer l’atención a les necesidaes detectaes dende la so entrada en funcionamientu.
