El Gobiernu d’Asturies sofita a 21 deportistes asturianos d’altu rendimientu qu’apuesten competiciones oficiales de categoría absoluta. El Boletín Oficial del Principáu d’Asturies (Bopa) publica güei la concesión de los Premios a la Excelencia Deportiva Categoría Absoluta d’Altu Nivel y Altu Rendimientu pal exerciciu 2022.
En total, la Conseyería de Cultura, Política Llingüística y Turismu destina 27.000 euros a sofitar con ayudes l’actividá de deportistes asturianos que llograren resultaos deportivos d’escelencia y que participen en competiciones oficiales de categoría absoluta fuera del sistema de lliga regular o bien que, siguiendo esti sistema, nun formen parte d’un club beneficiariu de sovenciones de clubes d’altu nivel.
Los requisitos establecíos pa ser beneficiariu d’estes ayudes son que’l deportista seya asturianu y tea declaráu como d’altu nivel nacional o altu rendimientu autonómicu. Amás, tien de competir de forma independiente o perteneciendo a un club que nun cunte con ayudes específiques pa competir n’altu nivel.
Los deportistes que van recibir esti sofitu son Mónica Álvarez Alonso, M.ª Ángeles Álvarez Verdeja, Alejandro Arevalo Gonzalez, Kevin Arias Ruiz, Barbara Camblor García, Jairo Valentín Fernández Alvarez, Elena Fernández Arboleya, Laura Fernández De Arquer, Miguel Fernández Castañón, David Fernández Fernández, María Del Carmen Fernández Llera, Alicia Gonzalez Blanco, Lucía Gonzalez Blanco, Cristina Leboreiro Mendivil, Juan Oriyes Mateo,
Ricardo Ortea Gutierrez, Adriana Pérez Álvarez, Jaime Rodríguez Pérez, Daniel Rodríguez Rodríguez, Sergio Vaquero Ajenjo y Miriam Vega Manrique.
