Xixón pudo tener un Gran Casino Teatro Hotel nel Campu Valdés, camudando de manera radical la visión del entamu de la sablera de San Llorienzo. Sicasí, nun foi asina. Quiciás fuera un atractivu más de la ciudá anguaño, quiciás nun gustara a la sociedá y güei tampoco esistiría. Nunca vamos saber como sedría si en 1926 se construyera esti edificiu.
Sicasí, esti edificiu supondría «la construcción d’un muriu de ribera de 222 metros de llargor ente la ilesia y la rampla d’accesu a la playa y la ocupación de 7300 metros cuadraos, con 5355 metros destinaos al propiu edificiu. El 8 de mayu d’esi añu el Conceyu firmara por unanimidá la construcción, pero nun se llegó a construyir. Anguaño, el skyline de Xixón sedría totalmente diferente.
