Mes tráxicu n’Asturies en payares con 556 finaos que faen d’esti mes el que más aporta a la tráxica llista de muertos que superó yá los 1.000 finaos dende’l mes de marzu. Pa facese una idea de la gravedá d’estes cifres ha recordase que nos meses de marzu y abril, cuando se confinó a la población nes sos cases, hebo 55 y 218 muertos respectivamente.
En metá d’estes tráxiques cifres ta abiertu l’alderique sobre l’apertura de la hosteleria n’Asturies, que se discute estos díes y que paez que podría llevar, tres la presión del sector, a una repartura a lo menos parcial del sector.
Los datos por meses fálennos d’un branu cuasi milagrosu n’Asturies, con nanñas 5 muertos en xunetu y 1 muertu n’agostu. Setiembre tornó a medrar llegando a 11 muertos y yá n’ochobre algamóse la cifra de 97 muertos. Con too, nel mes de payares la cifra disparóse hasta una cifra qu’hasta entós paecía inimaxinable.
