La Conceyalía de Mediu Ambiente y Movilidá amplía’l pieslle al tráficu rodáu d’un carril nel paséu d’El Muro. La Policía Local caltién cortáu dende esta mañana’l tramu más prósimu a la cera comprendíu ente la rotonda del Piles hasta los Xardinos del Náuticu. D’esta forma amplíase a tol paséu’l corte dende’l pasáu xueves ente la cai Menéndez Pelayo y el Náutico. Esta midida tien por oxetivu facilitar entá más espaciu a los peatones pa garantizar les distancies de seguridá ente les persones.
Coles mesmes, van retirase los topes que llinden el carril bici pa poder d’esta forma amplialu. Trátasa d’una midida provisional, anque’l Conceyu yá trabaya nuna reforma integral del mesmu. Ye un pasu más na intención del equipu de gobiernu por apostar pola movilidá sostenible. El Conceyu de Xixón va priorizar la movilidá urbana en bici nel plan de transición hacia una «nueva normalidá». Les actuaciones pa favorecer la movilidá ciclista inclúin la implantación de ciclo-carriles en 29 cais y aveníes coles mires de configurar corredores que dean continuidá a los carriles-bici esistentes. Amás, va reabrise el serviciu Xixón-Bici y va autorizar la reapertura de los servicios de bicicleta y patinete compartíos de Tucycle, con nueves condiciones.
