La recuperación y puesta en valor de la conocida como Casa de los siete Balcones, en Bisuyu, va ser una de les 24 actuaciones que se van financiar con fondos del Plan de Sostenibilidá Turística de Cangas. La rehabilitación del inmueble va suponer una inversión de 361.287 euros.
En total, el conceyu va recibir 1.793.611 euros en trés años para encarar una batería d’acciones que-y permitan ganar calidá y competitividá nel mercáu turísticu y facelo de manera sostenible.
La conseyera de Cultura, Política Llingüística y Turismu, Berta Piñán, y la viceconseyera de Turismu, Graciela Blanco, visitaron esta mañana los principales enclaves culturales y turísticos de Bisuyu acompañaes pol alcalde, José Víctor Rodríguez. Pudieron ver l’escenariu de delles de les intervenciones destinaes a rescatar elementos patrimoniales y ambientales por que puedan sumase a los curiosos turísticos del conceyu.
Ente otres actuaciones, el Plan de Sostenibilidá Turística de Cangas prevé una serie d’intervenciones nel cascu antiguu de la capital pa enguapecer espacios con una inversión superior a los 327.000 euros, y la recuperación del Camín Real de L.leitariegos pa poder practicar senderismo y cicloturismu, proyectu que va costar daqué más de 313.000 euros.
Coles mires de impulsar una transición verde y sostenible ta previsto que se restauren y protexan ambientalmente espacios singulares como’l Mazu d’Abaxo, en Bisuyu (24.392 euros), o la llaguna d’Arbás (22.500 euros). Amás, va crease una rede de miradores de fauna (22.649 euros), un itinerariu de naturaleza pola redolada del monte de Muniellos (12.262 euros) y van adaptase dellos espacios nel puertu del Rañadoiru.
Ente les propuestes pa llograr que’l conceyu seya un destín más competitivu tán reactivar la Ruta del Oru como recursu turísticu (35.849 euros), crear una área para autocaravanas (40.012 euros), la promoción de los productos locales al traviés de la marca Manual (27.450 euros) y crear l’itinerariu MINARSA: Paisaxe Industrial (48.600 euros).
La meyora de la eficiencia enerxética ye otru de los oxetivos clave de la Estratexa de Sostenibilidá Turística en Destín. Nesti capítulu’l proyectu de Cangas va impulsar la movilidá sostenible cola implantación de cargadores pa vehículos eléctricos y sistemes de control de tráficu nel cascu vieyu (87.816 euros) y l’adecuación de rutes cicloturistes. Coles mesmes, va implantase llume más eficiente nel cascu históricu (65.637 euros) y nel Muséu del Vinu (43.407 euros). El plan tamién destina 180.000 euros a midíes pa impulsar la transición dixital.
El Plan de Sostenibilidá Turística de Cangas del Narcea va financiase al traviés de la convocatoria estraordinaria del Plan de Recuperación, Tresformamientu y Resiliencia de la Unión Europea.
