- El dispositivu va ufiertar 3.000 places diaries con diez frecuencies de xubida y otres tantes de baxada y va cuntar con un serviciu danzadera dende Cangues d’Onís hasta’l Real Sitiu.
- L’operativu estrena una plataforma web pa impulsar la venta anticipada de billetes.
- El nuevu sistema, que foi testáu con ésitu na ponte de la Constitución, busca amenorgar la intensidá del tráficu y redistribuir los fluxos de visitantes.
El plan de tresporte de los llagos de Cuadonga, impulsáu pol Gobiernu d’Asturies, va entrar en funcionamientu’l próximu sábadu, 23 de marzu. El nuevu dispositivu, testáu con ésitu na ponte de la Constitución, va ufiertar 3.000 places diaries con diez frecuencies de xubida y otres tantes de baxada y va cuntar con un serviciu danzadera dende Cangues d’Onís hasta’l Real Sitiu. D’esta manera, búscase amenorgar la intensidá del tráficu y redistribuir los fluxos de visitantes.
L’operativu va estrenar una plataforma de compra anticipada de billetes (http://www.buslagoscovadonga.es/) para faer posible a los visitantes una meyor organización del so desplazamientu.
Amás, el Gobiernu d’Asturies va poner en marcha un serviciu llanzadera cada media hora pa facilitar la conexón entre Cangues d’Onís y el Real Sitiu. El serviciu va tener 26 frecuencies diaries, con salíes cada 30 minutos en caún de los sentíos, dende les 7:40 a les 20:00 hores nes salíes dende Cangues d’Onís. El so usu ta incluyíu nel billete del plan de llagos. El restu de viaxeros van poder utilizar el serviciu cola tarxeta CONECTA o al traviés de la compra d’un billete cenciellu.
El primer serviciu de la mañana va partir escontra los llagos a les 8:00 y el postreru, a les 17:45 hores. En sentíu contrariu, el primeru que va salir de los llagos a les 11:05 y el postreru a les 20:50 hores. Estos horarios van caltenese vixentes mientres la temporada alta que remata a finales d’ochobre y van afaese a partir de la ponte del 1 de payares.
La Dirección Xeneral de Tráficu afitó’l siguiente calendariu d’aplicación del plan d’accesu a los llagos de Cuadonga/Cuadonga pa 2024:
• Marzu: del 23 (S) al 31 (D)
• Abril: fines de selmana (S y D): 6-7, 13-14, 20-21 y 27-28
• Ponte de mayu: 29 (L) y 30 (M) d’abril y 1 (M), 2 (X) y 3 (V) de mayu
• Mayu: fines de selmana (S y D): 4-5, 11-12, 18-19 y 25-26
• Branu: 1 (S) de xunu al 13 (D) d’ochobre (sacante’l 25 (X) de xunetu y el 8 (D) de setiembre)
• Ochobre: restu de les fines de selmana (S y D): 19-20 y 26-27
• Ponte de payares: 1 (V), 2 (S) y 3 (D)
• Ponte d’avientu: del 30 (S) de payares al 9 (L) d’avientu
