El plan especial de tresporte a Los Llagos zarró’l periodu braniegu con 213.234 viaxeros, la cifra más alta de magar empezó’l serviciu, nel 2005. Amás, anguaño, entá ensin rematar y pendiente de les feches vinientes de regulación -del 1 al 3 de payares y del 6 al 9 d’avientu-, yá ye tamién el periodu con más usuarios: 249.001. Nel 2018 rexistróse la segunda cifra más alta, con 237.073 persones.
Esti serviciu, que yá tresportó a más de dos millones de pasaxeros, tien por oxetivu la mengua d’emisiones contaminantes nuna redolada de valor ecolóxicu altu. Amás, busca la ordenación de les visites de manera sostenible y nes máximes condiciones de seguranza vial, polo qu’usa vehículos con etiquetes medioambientales peresixentes.
El pasáu 20 d’abril llogróse tresportar a 7.052 viaxeros, la cifra más alta de la serie histórica pa un únicu día. El plan ye bien valoráu polos usuarios. Nos díes vinientes, van tenese reuniones col Conceyu de Cangues d’Onís y cola dirección del Parque Nacional de Los Picos d’Europa cola mira d’avanzar en meyores y, sobre manera, nun calendariu estable y de conocimientu fácil pa la ciudadanía.
