La Conseyería de Mediu Rural y Cohesión Territorial ta acabante d’abrir el procesu de participación pública del anteproyectu de Ley Integral d’Ordenación del Territoriu d’Asturies (LOITA) pa que la ciudadanía pueda intervenir na ellaboración de la futura normativa.
Al traviés d’un cuestionariu de 37 entrugues que yá ta disponible n’internet, los interesaos van poder analizar les ventaxes ya inconvenientes de residir n’Asturies. Con esta encuesta, busca conocese la percepción de los ciudadanos en temes como’l mediu ambiente, la vivienda, los espacios públicos, los equipamientos deportivos o culturales, la movilidá, l’actividá económica y la ordenación territorial.
El formulariu, que puede rellenase en poco minutos, va suponer una fuente d’información de primer mano pa continuar la redacción de la LOITA, que lleven a cabo’l Gobiernu del Principáu d’Asturies y la Universidá d’Uviéu. El plazu pa cumplimentar el formulariu, al que s’accede nel siguiente enllaz https://cutt.ly/iRGZzuF, remata’l 26 de payares.
A los resultaos d’esti procesu de participación pública se van sumer les conclusiones de les encuestes realizaes n’agostu y setiembre a los profesionales del sector.
