El Gobierno del Principáu, en collaboración coles instituciones científiques rexonales y una ventena d’ayuntamientos, va llevar la Selmana de la Cienca per tol territoriu de la comunidá. El Consorciu de Tresportes (CTA) sumóse a esta iniciativa, que se desarrolla a lo llargo d’esti mes, con una campaña de difusión de les actividaes en más de 500 autobuses de llinies regulares y servicios escolares.
La Conseyería de Ciencia, Innovación y Universidá, al traviés de delles convocatories d’ayudes, impulsó actos vinculaos a la Selmana de la Ciencia y dirixíos tanto a estudiantes como al públicu xeneral. Una de las principales acciones enmárcase nel proyectu Conceyos con Ciencia, que trata de llevar la innovación y la investigación al territoriu al traviés de los Centros de Dinamización Tecnolóxica Llocal (CDTL), en llocalidaes de menos de 20.000 habitantes.
Tola información va poder descargase al traviés d’un códigu QR que se va colocar nos autobuses de les llinies regulares y escolares que formen parte del CTA. En total, la campaña va tratar de llegar a tolos rincones d’Asturies al traviés de 540 vehículos organizaos en 423 itinerarios en llinia y 509 rutes de tresporte de tresporte escolar de 51 concesiones.
El director xeneral d’Innovación, y el director xeneral de Tresportes y Movilidá, José Manuel Caldevilla, destacaron la importancia d’esta collaboración del CTA. Lucas del Amo punxo de relieve qu’esti añu se llevaron les actividaes a diferentes municipios y l’acción de les empreses de tresporte va contribuir a la so difusión ente la ciudadanía. Caldevilla, pola so parte, mostró’l so agradecimientu a les empreses y el sector pola disposición mostrada énte esta singular campaña.
