La Conseyería de Ciencia y Innovación va recoyer ordenadores y tabletes vieyos que van actualizase pa ser reutilizaos por families con escolares ensin medios tecnolóxicos. Empreses del sector de les tecnoloxíes de la información y les comunicaciones (TIC) y la Federación Asturiana de Conceyos (FACC) van organizar la recoyida y distribución de dispositivos
Nuna carta dirixida a empreses y instituciones vinculaes al sector informáticu, el director xeneral d’Innovación, Iván Aitor Lucas del Amo, indica que’l propósitu d’esta iniciativa ye “recoyer el mayor númberu posible d’ordenadores en desusu” pa revisalos y ponelos a puntu. D’esta manera, van poder ser utilizaos por families que los precisen. Los datos últimos facilitaos pola Conseyería d’Educación apunten a que 6.000 escolares nun tienen conexón a internet y 3.000 escarecen d’ordenador.
Voluntarios profesionales del ámbitu informáticu van ayudar a preparar los ordenadores y tabletes pa da-yos un segundu usu. Esta iniciativa va estendese tamién a particulares que deseyen entregar dispositivos que yá nun utilicen. Les persones que deseyen collaborar pueden dirixise al corréu: cienciacovid19@asturias.org
