El Principáu ta acabante de conceder 337.500 euros a 15 cofradíes de pescadores que xestionen planes d’esplotación de percebe, pulpu y angula. La resolución d’estes ayudes, cofinanciaes pola Unión Europa al traviés del Fondu Européu Marítimu y de la Pesca (FEMP), publicóse ayeri nel Boletin Oficial (BOPA).
Los planes d’esplotación son la ferramienta fundamental pal desenvolvimientu d’una actividá pesquera responsable, porque garantizan la sostenibilidá de los recursos marinos y la viabilidá del sector a llargo plazo. Al traviés d’esti instrumentu, acótase’l númberu de participantes, al tiempu que se regulen y controlen les especies. Nesti contestu, les sovenciones permiten reforzar la collaboración pa una meyor ordenación.
Anguaño, n’Asturies hai once planes d’esplotación xestionaos poles cofradíes: ocho pal percebe, dos pa l’angula y unu pal pulpu.
La convocatoria d’esti añu incrementóse dalgo más del 8% respecto al exerciciu anterior, pa sofitar la puesta en marcha de planes nuevos d’esplotación.
