l Principáu moviliza una cifra histórica pa sofitar el desenvolvimientu de la ganadería estensiva nel marcu de les ayudes agroambientales del Programa de Desenvolvimientu Rural (PDR), hasta algamar los 31.682.000 euros. Na convocatoria 2020 de la Política Agraria Común (PAC), cofinanciada al traviés del Fondu Agrícola de Desenvolvimientu Rural (Feader), la cantidá destinada ye de 15,77 millones.
L»Executivu autonómicu consolidó»l so apueste medioambiental con xubíes como la destinada al caltenimientu de les races autóctones en peligru d»estinción, qu»aumentó un 179,95 %. Asina, les ayudes pasaron de los 821.504 euros que se repartieron ente los ganaderos na convocatoria 2020 a los 2,3 millones de la del 2021.
Les races autóctones asturianes son un patrimoniu de riqueza incalculable, tanto dende»l puntu de vista económicu como del social, el medioambiental y el de los recursos xenéticos. Amás, apurren productos d»una alta calidá diferenciada amparaos pola marca de garantía Alimentos del Paraísu Natural.
Tamién se reforzaron otres llinies, ente elles, la del pagu compensatoriu por zones de monte y con limitaciones naturales significatives, qu»aumentó en más de 11,2 millones. A esto súmense les ayudes vinculaes a la Rede Natura 2000, les de producción ganadera sostenible y les de ganadería ecolóxica, tal como se recueye nesti cuadru:
| PAC 2020 | PAC 2021 | Aumentu | |
| Caltenimientu de races autóctones pures en peligru de desaniciase | 821.504,60 € | 2.300.000 € | 1.478.495,40 €
(+ 179,97%) |
| Pagu compensatoriu por zones de monte y con limitaciones naturales significatives | 9.729.171,98 € | 21.000.000€ | 11.270.828,02 €
(+ 115,85) |
| Pagos pa zones agrícoles de la Rede Natura 2000 | 698.219,38 € | 1.000.000€ | 301.780,62 €
(+ 43,22) |
| Sistemes racionales de pastoréu en superficie d»usu común | 3.146.599,20 € | 4.632.000€ | 1.485.400,80 €
(+ 47,21) |
| Conversión y caltenimientu de la Ganadería ecolóxica | 1.327.483,85 € | 2.750.000€ | 1.422.516,15 €
(+ 107,16) |
El conseyeru de Mediu Rural y Cohesión Territorial, Alejandro Calvo, señaló qu»anguaño, na convocatoria nueva de les ayudes de la PAC, va consolidase la medría qu»esperimentaron les subvenciones l»exerciciu pasáu. Esti foi ún de los temes que Calvo treslladó a los representantes de les asociaciones de criadores de races autóctones na xunta que tuvieron esta tarde.
Estes asociaciones son una pieza fundamental nel caltenimientu y meyora de les races asturianes porque s»encarguen del desenvolvimientu del programa de cría de caúna d»elles y de facilitar a los ganaderos la información necesaria pa que puedan adoptar les sos decisiones de cría y formar asina parte esencial del procesu. Pa sofitar el so trabayu, nel presupuestu p»anguaño la conseyería destina 1,2 millones n»ayudes nominatives, a lo que se suma la convocatoria de subvenciones publicada»l 7 de xineru y dotada con 90.000 euros.
