– La midida supon la incorporación de cuatro guardapesques que se suman a los dolce yá esistentes
– Nos postreros cuatro años incrementose’l 41% la dotación económica destinada a los sistemes d’ordenación pesquera
El Principáu punxo en marcha dos nuevos planes de xestión para la captura del percebe na mariña oriental y na central. La iniciativa, que se desenvolvió de la mano del sector, contribúi al desenvolvimientu d’una actividá rentable, responsable y ambientalmente sostenible.
El plan de xestión de la zona central encuadrase nel marcu xeográficu de les confreríes de pescadores de Candás, Xixón, Tazones y Llastres, y cuenta con un total de 25 llicencies. Pela so parte, el de la zona oriental correspuende a les confreríes de pescadores de Ribesella, Llanes y Bustiu y tien 39 llicencies. La midida supon la incorporación de cuatro nuevos guardapescas, dos para cada unu de los planes, que se suman a los dolce yá esistentes.
El marisquéu del percebe ye una importante alternativa pesquera que dexa abonda rentabilidá económica nel sector. La mayoría de la flota asturiana pertenez al censu d’artes menores y l’actividá nesti segmentu caracterizase pol usu d’estratexes qu’impliquen un ciertu grau de diversificación.
