El Gobiernu del Principáu sacó a llicitación, con un presupuestu de 399.947 euros, l’arreglu de la carretera VA-5, que xunta Castañéu y Ayones, nel conceyu de Valdés. L’actuación cunta con presupuestu plurianual, de los que 117.270,79 euros consignáronse anguaño y 282.676,96 euros pal 2022, y un plazu d’execución de siete meses.
Les obres van centrase nun tramu de 2.700 metros, que va ente Castañéu y Alienes, y van dexar ameyorar la seguranza y la comodidá de los usuarios d’esta vía, que la so llargura total ye de 10,5 y xunta la N-634 cola AS-359 (El Pontigón-Tinéu).
L’actuación va incluyir la llimpieza, el fresáu, l’aplicación d’una capa nueva de rodadura, la construcción de cunetes y l’allugamientu de la señalización horizontal y vertical.
Les empreses interesaes disponen de plazu hasta’l 25 de payares pa presentar les sos ufiertes.
