El Principáu tien notificaos hasta agora 22 positivos en coronavirus n’Alministración

El Gobiernu asturianu tien notificaos hasta esti momentu 22 casos de trabayadores de l’Alministración autonómica con Covid-19 ente una plantiya que supera les 19.600 persones. Estes cifres esclúin a los profesionales del Sespa y a los emplegaos de centros dependientes de la Conseyería de Derechos Sociales y Bientar.

Dende l’entamu de la crisis confirmáronse 15 casos de trabayadores infectaos pol coronavirus nuevu nos servicios de l’Alministración xeneral: ún nel área de Presidencia del Gobiernu, 5 na Conseyería d’Infraestructures, 3 na de Presidencia, 3 na d’Educación, ún de Desenvolvimientu Rural, Agroganadería y Pesca; otru na de Salú y ún más na de Derechos Sociales y Bienestar. Per otra parte, rexistráronse 5 más nel Serviciu d’Emerxencies del Principáu (Sepa) y 2 nel Serviciu Públicu d’Empléu (Sepepa).