L’Executivu aprobó’l proyectu de llei del Real Institutu d’Estudios Asturianos (Ridea), qu’escuerre modernizar la estructura del organismu pa dotalo de meyor base llegal y abrir la so xestión a la sociedá.
La última reorganización del institutu aprobóse en 1988. Por ello, la Conseyería de Cultura, Política Llingüística y Turismu trabayó nuna nueva norma qu’actualice’l conteníu y l’oxetu d’investigación del Ridea, que variaron sensiblemente nos postreros 34 años. La lexislación que va empecipiar agora la so tramitación parlamentaria amplía’l pesu específicu de los representantes de la Xunta Xeneral y l’Universidá d’Uviéu nel conseyu xeneral: el Parllamentu va poder designar a 12 representantes y l’institución académica va cuntar con 3, amás del rector, toos ellos con voz y ensin votu.
La norma esclaria competencies internes, define con más claridá’l marcu de relaciones col Principáu, determina’l réxime presupuestariu y de personal y, bien particularmente, la condición, clases, elección, derechos y deberes de los miembros del Ridea.
