El Conseyeru de Fomentu, Cooperación Local y Prevención de Quemes, Alejandro Calvo activó, ayeri a les 21.01 hores, la fase d’emerxencia en Situación 0 del Plan Territorial de Protección Civil del Principáu d’Asturies (PLATERPA) tres les incidencies rexistraes na mariña occidental poles fuertes raches de vientu.
En Situación 0, la fase d’emerxencia más baxa de los cuatro que contempla’l plan, enmárquense aquelles incidencies alcontraes que pueden ser controlaes polos medios y recursos esistentes na zona y que la so gravedá potencial puede causar daños poco significativos.
A estes hores el Centru de Coordinación d’Emerxencies del 112 Asturies contabiliza más de setenta incidencies rellacionaes col episodiu de fuertes vientos que se rexistren dende la pasada xornada. En concretu contabilícense 62 cortes de la rede viaria, fundamentalmente pola cayida d’árboles, 7 retiraes d’elementos peligrosos y 5 llimpieces de carreteres.
Según l’Axencia Estatal de Meteoroloxía (AEMET) les raches vientu d’hasta 90 kilómetru per hora van caltenese nel suroccidente, centru y cordal hasta’l mediudía de güei xueves y na mariña la previsión enllargaráse hasta les 15.00 hores de mañana vienres, día 3 de payares.
