Les tonelaes movíes nel Puertu de Xixón nos nueve primeros meses del añu algamaron los 14,8 millones, lo que supón una crecimientu del 4,8% respectu al mesmu periodu de 2022.
Setiembre va cerrase asina col pasu polos muelles comerciales de 8.275.058 tonelaes, con una crecedera del 37% respectu al mesmu periodu del añu anterior. Los graneles líquidos tamién crecieron, el 45%, pese al acusáu descensu del 48% en butanu, yá que se descargaron 279.045 tonelaes de Gas Natural Licuáu.
Los graneles sólidos, pela so parte, amontáronse’l 38%, con 1.726.778 tonelaes más que nel períodu anterior, debío sobre manera a la descarga y tránsitu de carbón, qu’aumentó’l 112%. Les ceberes tamién tuvieron un comportamientu positivu, el 42% más, y compensen les baxaes de dunita, cementu, escories y restu de graneles.
L’apartáu de mercancía xeneral aumenta’l 27% y ye significativu la crecedera de los contenedores, un 29%, con 136.092 tonelaes más que nel mesmu períodu del pasáu exerciciu.
